Чӳк уйăхĕн çирĕммĕшĕнче Пĕрсырлан культура çурчĕн ĕçченĕ Семёнова З.А. вĕренекенсене чăваш халăх сăмахлăхĕпе, йăли-йĕркисемпе, уявĕсемпе, авлхи чăваш халăх пурнăçĕпе паллаштарчĕ. Хальхи ăрури ачасен аталанăвĕнче чăваш халăх фольклорĕ пысăк пĕлтерĕшлĕ. Унăн никĕсĕсинче педагогика шухăшĕсем йĕркеленнĕ: ĕçе юратасси, аслисене хисеплесси, ырă кăмаллă çын пуласси, çынна итлеме пĕлни. Çулсем иртнĕçемĕн чăваш йăли-йĕркисем манăçа тухса пыраççĕ. Зоя Андреевна ачасене авалхи чăвашсем Сурхури, Мăн кун уявĕсене мĕнле ирттернипе, салтака ăсатнă чух ирттернĕ йăла-йĕркепе паллаштарчĕ, юррисене юрласа пачĕ. Малалла калаçу чăваш халăхĕн сĕм авалтан пыракан этикечĕ пирки пулчĕ.

Çакăн пек калаçу урокĕсем ачасене питĕ усăллă. Вĕсен чăваш халăх йăли-йĕркисене пĕлмелле.