Чӳк уйăхĕн 29-мĕшĕнче Шупашкар хулинчи Ҫеçпĕл  ячĕпе хисепленекен çамрăксен театрĕче Етĕрне муниципал округĕн Республикăри «Асам» шкул театрĕсен фестиваль шайĕнче пысăк уяв иртрĕ. Театр фойинче ал-ĕç ăстисен выставки иртрĕ. Кунта Етĕрне тăрăхĕнчи паллă çынсем çинчен çырса кăтартнă паха кĕнекесемпе, чăваш тĕррисемпе паллашма май пулчĕ. Çакăнтах маçтăрсем ачасене, уява хутшăнакансене пуканесем, теттесем тума вĕрентес ĕçе явăçтарчĕç.

Театр залĕнче Етĕрне муниципал округĕн çумĕ Степанова Н.Н.    уява хутшăнакансене саламларĕ, çитĕнсе пыракан ăрăва татах та пысăк çитĕнӳсем тума ăнăçу сунчĕ, Пĕрçырланти пĕтĕмĕшле пĕлӳ паракан тĕп шкулта вĕренекенсене, «Сенкер чаршав» драма кружок хастарĕсене тата ертуçисене Л.Н.Былинкинăпа Мурзина Р.В. тав хучĕсемпе чысларĕ.

«Сенкер чаршав» кружока хутшăнакансем, Етĕрне муниципал округ шайĕнчи çĕнтерӳçисем, театр сцени çинче Н.Сидоровăн аслă вĕрентекенĕмĕр И.Я.Яковлевпа унăн вĕренекенĕсем çинчен çырнă «Пĕрремĕш учитель» пьеса сыпăкне кăтартрĕç. Талантлă ачасен пултарулăхне жюри членĕсем пысăк хак пачĕç.