Пĕрçырланти пĕтĕмĕшле пĕлӳ паракан шкулта виççĕмĕш класра вĕренекенсем, Охтерова Е., Охтерова Т., улттăмĕш класра ăс пухакансем, Ершова А., Охтеров А., Раççей тава тивĕçлĕ актрисине халалланă «Чĕвелти чĕкеç» илемлĕ вулав конкурсне хутшăнчĕç. Вĕсем чӑваш халӑхӗн паллӑ поэчӗсенчен пӗрин, нумай-нумай сӑвӑ-юрӑсен, поэмӑсен, статьясен авторӗн тата хальхи чăваш сăвăçин, Раиса Сарпин,  сăввисене пăхмасар вуласа пачĕç. Ҫак конкурсра пултарулăх кăтартнăшăн чӳк уйăхĕн 10-мĕшĕнче вĕренекенсем тĕп хуламăра К.В.Иванов ячĕпе хисепленекен Чăваш драма театрĕнче пулса иртекен Республикăри çамрăксен пултарулăх форумне хутшăнчĕç. Ҫамрăк пултаруллă артистсем ачасемпе мастер-класс ирттерчĕç. Чăваш юрри-кĕвви хăватлăн янăрарĕ. Конкурса хутшăнакансене ăнăçу сунса тав хучĕсемпе чысларĕç. Çак уяв ачасене вĕренӳре татах та пысăк çитĕнӳсем тума хавхалантарчĕ, тăван чĕлхене хисеплеме, тавра курăма аталнтарма пулăшрĕ. Вĕренекенсен çакăн пек пысăк мероприятисене малашне те хутшăнас кăмăлĕ ӳсрĕ.