Кăçалхи ака уйăхĕн 25-мĕшĕнче чăваш халăхне çутта кăлараканĕ, чăваш çырулăхне йĕркелекенĕ И.Я. Яковлев çуралнăранпа 175 çул çитет. Çавна май Пĕрçырланти пĕтĕмĕшле пĕлӳ паракан тĕп шкулта тĕрлĕ мероприятисем пулса иртеççĕ. Ака уйăхĕн 12-мĕшĕнче ачасем «Чăваш халăхĕн йăли-йĕрки» темăпа калаçу урокĕ ирттерчĕç. Чăваш халăх йăли-йĕркисемпе паллашрĕç.  Кунта ачасем хӑйсен ҫирӗп пӗлӗвне кӑтартрӗҫ. Хăйсен пĕлĕвне çирĕплетес тĕллевпе стена хаçачĕ йĕркелерĕç. Ачасем – чăн-чăн ăстасем!