Пěрҫырлан шкулěпе ялти Культура керменě пěр – пěринпе ҫыхǎнса, килěштерсе ěҫлесси йǎлана кěнě ěнтě. Шкулти тěрлě мероприятисене пěрле ирттересси те ҫирěпленнě. «Сǎрьен» халǎх фольклор ансамблě  шкулти тěрлě мероприятисене час – часах хутшǎнать, ҫитěнекен ҫамрǎк ǎрǎва хǎйсен тěслěхěпе хавхалантарать, чǎваш халǎхěн ламран лама куҫса пыракан йǎли – йěркисемпе паллаштарать. « Илемлĕ чăваш юрри…» ятпа иртрě акан 21 – мěшěнче Пěрҫырлан шкулěн 1, 3 класри  ачасемпе Пěрҫырлан Культура керменě ҫумěнчи «Сǎрьен» фольклор ушкǎнěн  тěл пулǎвě. Вырǎнти халǎх юррисен илемне, тǎван чěлхе ҫепěҫлěхне ǎша хыврěҫ шкул ачисем. Ансамбль хǎҫан, мěнле йěркеленни ҫинчен каласа пачě  ансамбль ертӳҫи З.А. Семенова. Юрǎ ǎстисемпе вǎйǎ картине тǎчěҫ вěренекенсем. Чǎваш Республика культурин тава тивěҫлě ěҫченě И.В.Любимов купǎспа вылянине итлесе киленчěҫ шкул ачисем, чǎвашсен халǎх инструменчěсене те алла тытса ҫемěпе шǎкǎртаттарса пǎхрǎ. Кун пек тěл пулусем татах та ирттерме кǎмǎл турěҫ.