Ку эрнере районти пур  вĕренÿ учрежденийĕсече те чăваш чĕлхипе литература эрни пуçланчĕ. Чăваш чĕлхине вĕрентес, аталантарас тата сыхласа хăварас тесе, çитĕнекен ăрăва чăваш йăли-йĕркисемпе, культурипе паллаштарас тесе шкулта тĕрлĕ мероприятисемпе ĕçсем тума палăртнă. Пĕрремĕш класра вĕренекенсем чăваш букварĕ тăрăх сас паллисемпе паллашса вулама-çырма  вĕренчĕç. Çĕнĕ кĕнекесемпе паллашма ял библиотекине çул тытрĕç. Кунти библиотекарь Ильина Р.М. чăваш эрнине халалласа ятарлă выставка хатĕрленĕ. Ачасем валли кăларнă хитре  ÿкерчĕклĕ кĕнекесемпе паллаштарчĕ. Класра вырăсла калаçакан ачасем ытларах пулсан та, пурте чăвашла вулама вĕренсе çитрĕç. Библиотекарь сĕннĕ кĕнекесене хапăлласах йышăнчĕç, килте вулама кăмăл турĕç.