« Чᾰваш чӗлхи - тᾰван чӗлхе»

текен ятпа сочиненисен конкурсӗ чᾰваш чӗлхи эрнин 3- мӗш кунӗнче, акан 22- мӗшӗнче , иртрӗ тᾰван халᾰха тепӗр хут алла калем тыттарнᾰ Аслᾰ Вӗрентекенӗмӗр ҫуралнᾰранпа 165 ҫул ҫитнине палᾰртса. Конкурса хутшᾰнакансем ( 5-8 класра вӗренекенсем) хᾰйсен ӗҫӗсенче тᾰван чӗлхене мӗнле юратнине, вᾰл пурнᾰҫра кашни ҫынна хᾰват парса тᾰнине, чᾰвашсем  хᾰйсен чӗлхипе  чᾰннипех те мᾰнаҫланнине, темиҫе ӗмӗр асап витӗр тухса паянччен упранса юлма пултарнᾰ чӗлхен пулас шᾰпи пирки пᾰшᾰрханнине кᾰтартрӗҫ.Пирӗн чӗлхе аталанᾰвӗнче И.Я.Яковлевᾰн тӳпи вышкайсᾰр пысᾰк пулнине кᾰтартма , чᾰваш чунне  ҫӗнӗрен чӗртсе тᾰратнᾰ, халᾰхᾰмᾰра ҫӗнӗ ҫырулᾰх парнеленӗ ҫынна тав тума та манмарӗҫ. Конкурса хутшᾰннᾰ ӗҫсене пᾰхса тухнᾰ хыҫҫᾰн 9 класра вӗренекен Дарья Охтеровᾰн, 7 класра вӗренекен Катя Тарасовᾰн ӗҫӗсем сᾰмах ҫӳпҫи пуяннипе, шухᾰша тӗрӗс те ᾰнланмалла уҫса пама пултарнипе палᾰрчӗҫ.