«Ачалᾰх» тесен кашниех хᾰй юратса вылянᾰ вᾰйᾰсене аса илет, ҫав асамлᾰ самантсем ҫуратнᾰ ᾰшᾰ та ырᾰ туйᾰмсене чунӗнче ӗмӗрӗ тᾰршшӗпех упрать. Ача вᾰйᾰсᾰр Ӳсмест, вᾰйᾰра унᾰн ᾰс-тᾰнӗ, тавракурᾰмӗ туптанать, сывлᾰхӗ ҫирӗпленет, вᾰл ушкᾰнпа пурᾰнма, ӗҫлеме хᾰнᾰхать.
Кашнин юратнᾰ вᾰййи пур, вылянᾰ хушᾰра кашни хᾰйне ун пек е кун пек тыткалать. « Ыр ут пуласси тихаран паллᾰ, ыр ҫын пуласси ачаран паллᾰ» тенӗ ваттисем. Вᾰйᾰра ача мӗнли курᾰнать, лайᾰх вᾰйᾰ вылякан ача ыр ҫын пулса ẏсесси паллᾰ.
Мӗнле вᾰйᾰсем вылянᾰ-ха пирӗн мᾰн асаттесемпе мᾰн асаннесем? Ҫакна тӗпчерӗҫ те ӗнтӗ Чᾰваш кунне халалласа 2-4 класра вӗренекенсем. Класс ертẏҫипе Григорьева Ирина Вячеславовнᾰпа ялти ватᾰсенчен вᾰйᾰсене ыйтса пӗлчӗҫ, выляма вӗренчӗҫ. Ҫак пархатарлᾰ ӗҫре «Сᾰрьен» фольклор ушкᾰнӗн ертӲҫи Ерёмкина Ю. Т. нумай пулᾰшрӗ.
Акᾰ вӗренекенсем вᾰйᾰ картине пуҫтарᾰнчӗҫ. Сᾰкᾰт ен ача-пᾰча вᾰййисемпе пухᾰннисене паллаштарчӗҫ: «Саклат пуҫтармалла», «Маки- макла», «Шᾰрпᾰкла», «Сᾰрᾰлла», «Чӗпикле», «Пар, пар, партине», «Чулла» тата ыттисем те. Мӗн чухлӗ савᾰнᾰҫ, кулᾰ сᾰн-питре!
Авалтарах ҫуралнᾰ вᾰйᾰсен шалти вᾰрттᾰн хᾰвачӗ пур. Апла пулсан, айтᾰр-ха чӗртсе тᾰратар вӗсене, ҫерем ҫинче выляса сывлᾰха ҫирӗплетер!